Kastamonu Methi (Şiir)

Faydalı ise lütfen bağlantıyı paylaşınız, tavsiye ediniz. Kaynaksız kopyalamanıza rızamız yoktur.

Der medh-i Şehr-i Rengîn ü zîb ü Zengîn Kastamonı

fe’ilâtün fe’ilâtün fe’ilâtün fe’ilün

Âlemün menba’-i verd-i teridür Kastamonı
Gülşenün hem güli hem ‘anberidür Kastamonı

Nice belde bulınur hûblugı medhe sezâ
Mülk-i hüsnün hatem ü esferidür Kastamonı

‘Arz-i mihr itmege çıksun ko sipihr içre nücûm
Bu sipihrün şeh-i mihr-enveridür Kastamonı

Ana bâ’îs-i şebeh olmadı heft iklîmde
Cennet-i ‘Adn u İrem benzeridir Kastamonı

Bezenür câme-i hadrâ ile her fasl-ı bahâr
Hızrun sanki yem-i ahzeridür Kastamonı

Bâtını dahi müzeyyen bilürüm zâhiri teg
‘Urefânun zurefânun yeridür Kastamonı

Dahi ‘allâme-i âlem mutavattın burada
Sulehânun vatan u makberidür Kastamonı

Himmeti Hazret-i Şa’ ban-ı Velîden almış
Evliyâ dâiresi mihveridür Kastamonı

Benli Sultân Ali Asgar vü Kadı Nasrullah
‘İlm ü ‘İrfân erinün rehberidür Kastamonı

Hele Kaysu’l-Hemedânî-yi sahâbe-yi güzin
Server-i Âlem emânet-deridür Kastamonı

Nice erbâb-ı suhen menba’i ta’dâdı muhal
Tà Latîfî-yi selefden beridür Kastamonı

Âfitâbî gibi şems-i şu’arâ matla’ıdur
Hem Feride gibi şi’rün feridür Kastamonı

‘Andelîbî vü Senâyi vü Harîrî vü Hasîb
Mâhasal bir şu’arâ meşheridür Kastamonı

Bezm olur rind-i ferih mutrıb-ı bülbül-âvâz
Rezm olur cünd-i fetih leşkeridür Kastamonı

Ey Zuhûrî nice dîvân nice defter bozulur
Vasf-ı hüsnün yine ser-defteridür Kastamonı

Ali Tavşancıoğlu
Yozgat 2011

Post Views: 93

Faydalı ise lütfen bağlantıyı paylaşınız, tavsiye ediniz. Kaynaksız kopyalamanıza rızamız yoktur.

KASTAMONUR.COM Sırlar ve Nurlar Şehrinden